ڈینش جنرل لوزگارڈ یمن میں یو این مبصر مشن کے نئے سربراہ مقرر

  جمعرات‬‮ 24 جنوری‬‮ 2019  |  12:00
ِ صنعاء(این این آئی)یمن میں جنگ بندی کی نگرانی کے لیے قائم کردہ اقوام متحدہ کے مبصر مِشن کے ڈچ سربراہ جنرل پیٹرک کمائرٹ کی سبکدوشی کے بعد ان کی جگہ جگہ ڈنمارک سے تعلق رکھنے والے جنرل مائیکل انکر لوزگارڈ کو مبصر مشن کا نیا سربراہ مقرر کردیاگیا۔میڈیارپورٹس کے مطابق یمن کے لیے مقرر کردہ مبصر مشن کے نئے سربراہ جنرل مائیکل انکر لوزگارڈ مشرق وسطیٰ کے امور پر گہری نظر رکھتے ہیں۔ انہیں 2006ء میں عراق میں تعینات کیا گیا۔ اس کے بعد وہ سارائیوو، بوسنیا، مالی اور نیٹو تنظیممیں یورپی یونین کے مندوب کے طور پر خدمات سرانجام دے چکے ہیں۔ادھر یمن کے لیے اقوام متحدہ کے امن مندوب مارٹن گریفیتھس بدھ کے روز مبصر ٹیم کے سبکدوش سربراہ جنرل کمائرٹ کے ہمراہ صنعاء سے الحدیدہ کے لیے روانہ ہو گئے ۔ قبل ازیں گریفیتھس اور کمائرٹ کے درمیان الحدیدہ بندرگاہ کی نگرانی سادہ کپڑوں میں ملبوس حوثی باغیوں سے لے کر کوسٹ گارڈ کے حوالے کرنے پر اختلافات بھی سامنے آئے تھے۔ذرائع کا کہناتھا کہ جنرل کمائرٹ حوثیوں کے معاملے میں سختی برتنے کے قائل ہیں۔

موضوعات:

loading...