الخلیل(این این آئی) فلسطین کے مقبوضہ مغربی کنارے کے جنوبی شہر الخلیل میں زخمی فلسطینی اسیر کا مکان دھماکے اڑا دیاگیا۔ اطلاعات کے مطابق جنوبی الخلیل میں یطا کے مقام پر واقع فلسطینی شہری خلیل یوسف الجبارین کا مکان علی الصباح دھماکے سے اڑا دیا گیا جس کے نتیجے میں مکان میں مقیم فلسطینی چھت سے محروم ہوگئے۔مقامی ذرائع کے مطابق اسرائیلی فوج کی انجینئرنگ کور کے اہلکاروں کی بھاری نفری نے یطا میں الحیلہ کالونی

میں گھس کر تمام فلسطینی اسیر خلیل یوسف کے مکان کا محاصرہ کیا۔ صہیونی فوج نے مکان کی طرف آنے والے تمام راستے سیل کر دیئے۔مقامی سماجی کارکن راتب جبور نے بتایا کہ صہیونی فوج نے اسیر جبارین کے مکان پر چھاپہ مارا اور دو منزلہ مکان میں رہائش پذیر خواتین اور بچوں کو باہر نکال کر سردی میں کھڑا کر دیا، اس کے بعد مکان میں جگہ جگہ بارود نصب کیا گیا۔ بعد ازاں مکان کو دھماکے سے اڑا دیا گیا، مکان کی مسماری سے 12 افراد بے گھر ہوئے ہیں۔

موضوعات:مقبوضہ بیت المقدس