نئی دہلی (این این آئی)بھارتی حزب اختلاف کی جماعت کانگریس نے سی بی آئی ڈائریکٹر الوک ورما کی جبری رخصت کیخلاف مظاہرہ کیا، مظاہرے کے دوران صدرکانگریس پارٹی راہول گاندھی کو بھی حراست میں لے لیاگیا۔ راہول گاندھی نے کہاکہ وزیراعظم مودی کرپٹ ہیں،وہ سچ سے بھاگ سکتے ہیں ٗاسے چھپانہیں سکتے ٗسی بی آئی ڈائریکٹرکی تبدیلی مودی نے ڈرکے سبب کی۔بھارتی میڈیاکے مطابق کانگریس نے نئی دہلی ،لکھنو،جیپور،چندی

گڑھ،تلنگانہ میں سی بی آئی ڈائریکٹر الوک ورما کی جبری رخصت پر مظاہرہ کیا۔نئی دلی میں کانگریس کی جانب سے احتجاج کی قیادت راہول گاندھی کررہے تھے۔پولیس نے نئی دہلی میں احتجاج کرنے والے کانگریس کارکنان،رہنماوں سمیت راہول گاندھی کو بھی حراست میں لیا،چندی گڑھ میں پولیس نے کانگریس کارکنا ن پر واٹر کینن کا استعمال کیا،تلنگانہ میں سی بی آئی آفس کے سامنے کانگریس پارٹی کے مظاہرین نے نعرے بازی کی۔

موضوعات:راہول گاندھی