نئی دہلی(انٹرنیشنل ڈیسک)بھارت میں حکام نے ہوائی اڈوں پر تعینات سکیورٹی حکام سے کہا ہے کہ وہ زیادہ مسکرانے سے گریز کریں کیونکہ اس سے سکیورٹی کے مسائل پیدا ہو سکتے ہیں۔بھارتی ٹی وی کے مطابق حکام کو خدشات ہیں کہ ضرورت سے زیادہ خوش اخلاقی

کی وجہ سے سکیورٹی میں بیپروائی کا تاثر پایا جا سکتا ہے جس کے نتیجے میں دہشت گرد حملوں کا خطرہ لاحق ہو سکتا ہے۔انڈیا میں سینٹرل انڈسٹریل سکیورٹی فورس ہی ہوائی اڈوں کی سکیورٹی کی ذمہ دار ہے اور وہ اپنے عملے سے چاہتا ہے کہ دوستانہ ہونے کی بجائے زیادہ چوکنا ہوں۔سکیورٹی اہلکاروں پر اب بہت زیادہ مسکراہٹ سے مناسب حد تک مسکراہٹ‘ کا طریقہ کار نافذ ہو گا۔حکام کے نزدیک ضرورت سے زیادہ مسکراہٹ اور دوست نوازی کا تاثر ہوائی اڈوں کو دہشت گرد حملوں کے خطرات سے دوچار کر سکتا ہے۔سینٹرل انڈسٹریل سکیورٹی فورس کے ڈائریکٹر جنرل راجیش رانجن نے تو یہاں تک کہا کہ امریکہ میں نائن الیون حملوں کی وجہ مسافروں سے ضرورت سے زیادہ اچھے رویے کی پالیسیاں تھیں۔بھارت میں اگرچہ سکیورٹی اہلکاروں سے کہا گیا ہے کہ وہ مسکرایں کم لیکن اس کے ہمسایہ ملک نیپال میں 2014 میں چھ سو افراد کو صرف اس مقصد کے لیے بھرتی کیا گیا تھا تاکہ وہ پولیس افسران کو زیادہ ’دوستانہ‘ بنانے میں مدد دے سکیں۔

موضوعات:بھارت