اسلام آباد(مانیٹرنگ ڈیسک) امریکہ اگلے ماہ ایران کی ایٹمی تنصیبات پر حملے کی تیاری کر رہا ہے۔آسٹریلوی نشریاتی ادارے کا دعویٰ ۔ تفصیلات کے مطابق آسٹریلوی نشریاتی ادارے نے اپنی رپورٹ میں دعویٰ کیا ہے کہ امریکہ اگلے ماہ ایران کی ایٹمی تنصیبات پر حملے کی تیاری کر رہا ہے۔ رپورٹ کے مطابق آسٹریلیا بین الاقوامی انٹیلی جنس اتحاد فائیو آئیز کا رکن ہے اس لیے وہ حملے

سے متعلق امریکا سے انٹیلی جنس معلومات کا تبادلہ بھی کر رہا ہے۔دوسری جانب آسٹریلوی وزیراعظم میلکم ٹرن بل نے رپورٹ کو مسترد کرتے ہوئے اسے افواہ قرار دیا اور کہا کہ پوری دنیا ایران سے متعلق امریکی صدر کے رویے سے آگاہ ہے۔رپورٹ سے متعلق ایران کی القدس فورس نے صدر ٹرمپ کو خبردار کیا ہے کہ امریکا کو ایسی کسی بھی کارروائی سے گریز کرنا چاہئے۔

موضوعات:امریکہ ایران