نئی دہلی (نیوز ڈیسک) بھارتی گستاخ طارق فتح جو کہ اکثر اسلام اور پاکستان کے خلاف زہر اگلتے رہتے ہیں، پاکستان میں ان کے بیانات پر سخت پابندی ہے لیکن اس کے باوجود ان کے ویڈیو بیانات سوشل میڈیا پر سامنے آتے رہتے ہیں، جس میں اکثر وہ پاکستانیوں اور پاکستان کے خلاف باتیں کرتے نظر آتے ہیں جسے دیکھ کر پاکستانیوں کا خون کھول اٹھتا ہے، اب طارق فتح نے ایک بھارتی پروگرام میں عمران خان کو بھی نہ بخشا،

ایسی بات کہہ دی کہ پروگرام میں موجود حاضرین نے انہیں تالیاں بجا کر داد دی، جب پروگرام کے اینکر نے ان سے کہا کہ اب عمران خان میدان میں آئے ہیں، عمران خان نے کہا تھا کہ نواز شریف سے کچھ نہیں سنبھالا جائے گا میں بتاؤں گا انڈیا کو کیسے ٹھیک کرنا ہے۔ جس پر طارق فتح نے کہا کہ ارے صاحب جا کر کسی کے ساتھ عشق لڑائیں یا کرکٹ کھیلیں، یہ کس چکر میں پڑ گئے ہیں۔ طارق فتح نے کہا کہ ہمارے ہاں پنجابی میں ایک کہاوت ہے کہ’’جنگ کھیڈ نئیں ہوندی زنانیاں دی‘‘ یعنی جنگ عورتوں کا کھیل نہیں ہے۔ طارق فتح نے کہا کہ اس بے وقوف شخص کی ساری زندگی خواتین بالخصوص بھارتی خواتین کو متاثر کرنے میں گزری ہے۔ طارق فتح نے پروگرام میں کہا کہ مطلب آپ بتائیں کہ ایک آدمی 62 سال کی عمر میں دولہا بنا اور پھر گھوڑے پر چل کر آیا لیکن پھر طلاق ہو گئی اور لڑکی نے اٹھا کر باہر پھینک دیا، مگر اب بھی بیٹھا ہوا ہے۔ اس نے پروگرام میں کہا کہ اس کو شرم نہیں ہے، حیاء نہیں ہے، سیاست میں آ گیا، بے ایمان لوگ ہیں۔ طارق فتح نے کہا کہ یہ وہ پنجابی ہیں جو پشتو بننا چاہتے ہیں، جیسے آپ کا مشرف دلی والا ہے اور وہ پنجابی بننا چاہتا ہے۔ عمران خان وہ پنجابی ہے جو کہتے ہیں کہ ہم ترقی کرنا چاہ رہے ہیں اس لیے پٹھانوں کی طرح بولیں گے۔ یہاں سارے دلی والے بیٹھے ہیں لیکن کوئی بھی پنجابی لہجے میں نہیں بولے گا تو یہ مشرف کہاں سے آ گیا پاکستان میں جو پنجابی لہجے میں انگریزی بولتا ہے۔

موضوعات:بھارتی گستاخ طارق فتح