سان فرانسسکو (مانیٹرنگ ڈیسک) واٹس ایپ پیغامات بھیجنے کا ایک آسان اور سستا ذریعہ ہے، اس کے ذریعے آپ بغیر کچھ خرچ کیے کسی کو بھی اپنا پیغام بھیج سکتے ہیں، واٹس ایپ کی یہ سروس پوری دنیا میں مقبول ہے، تفصیلات کے مطابق میل آن لائن نے اپنی رپورٹ میں کہا ہے کہ کچھ جعل ساز صارفین کو پیغام بھیج رہے ہیں کہ واٹس ایپ کی اس سہولت کو جاری رکھنے کے لیے انہیں سبسکرپشن کی رقم دینا ہو گی اور بہت سے صارفین اس

جعل ساز کے جھانسے میں آ گئے ہیں۔ میل آن لائن نے اپنی رپورٹ میں کہا ہے کہ جعل ساز یہ دھوکہ دہی اس مقصد کے لیے کر رہے ہیں کہ وہ صارفین کے متعلق ذاتی معلومات حاصل کر سکیں اور یہ معلومات صارفین کے اکاؤنٹ بھی خالی کر سکتی ہیں۔ جعل سازوں کی طرف سے واٹس ایپ صارفین کو ایک پیغام بھیجا جاتا ہے جس میں انہیں کہا جاتا ہے کہ ان کی مفت سروس ختم ہو چکی ہے اور اگر آپ مزید اس سروس سے مستفید ہونا چاہتے ہیں تو آپ کو سبسکرپشن کی فیس ادا کرنا ہوگی۔ یہ پیغام ان الفاظ پر مشتمل ہوتا ہے آپ کی سبسکرپشن ایکسپائر ہوچکی ہے، اپنا اکاؤنٹ ویری فائی کرنے کے لیے اور لائف ٹائم سبسکرپشن خریدنے کے لیے اس لنک پر کلک کریں۔ جب کوئی صارف اس لنک پر کلک کرتا ہے تو اسے لائف ٹائم سبسکرپشن کے لیے پیمنٹ کی معلومات فراہم کرنے کو کہا جاتا ہے اور یہ معلومات بعدازاں مالی فراڈ کے لیے استعمال کی جاتی ہیں۔ اس حوالے سے سائبر سیکیورٹی کے ماہرین کہتے ہیں کہ اگر آپ کو کوئی ایسا پیغام موصول ہو تو اسے فوری طور پر ضائع کر دیں۔ اگر آپ نے دیے گئے اس لنک پر کلک کر لیا ہے تو آپ کے لیے ضروری ہے کہ آپ کسی اینٹی وائرس سافٹ وئیر کے ذریعے اپنی ڈیوائس پر ڈاؤن لوڈ ہونے والے نقصان دہ سافٹ وئیر کو ختم کریں۔  جعل ساز یہ دھوکہ دہی اس مقصد کے لیے کر رہے ہیں کہ وہ صارفین کے متعلق ذاتی معلومات حاصل کر سکیں اور یہ معلومات صارفین کے اکاؤنٹ بھی خالی کر سکتی ہیں۔

موضوعات:واٹس ایپ