لندن(این این آئی)امریکی صدر ڈونلڈ ٹرمپ کے حمایتی افراد نے میئر لندن کی تقریر سے قبل ہنگامہ آرائی کی اور ان کی گرفتاری کا مطالبہ بھی کیا۔امریکی صدر ڈونلڈ ٹرمپ کی جانب سے دورہ لندن منسوخ کیے جانے کے بعد میئر لندن صادق خان نے اپنے بیان میں کہا تھا ٹرمپ کو اندازہ تھا کہ انہیں لندن میں خوش آمدید نہیں کہا جائے گا۔میڈیارپورٹس کے مطابق لندن کی فیبین سوسائٹی میں صادق خان کے اظہار خیال سے پہلے ہی وائٹ پین ڈریگنز

نامی گروپ کے افراد نے ہلڑ بازی شروع کردی۔ ان افراد نے ٹرمپ اور بریگزٹ کی حمایت میں نعرے بازی اور صادق خان کی گرفتاری کا مطالبہ بھی کیا۔سوشل میڈیا پر شیئر کی گئی ایک ویڈیو میں ایک شخص کو یہ کہتے سنا جا سکتا ہ ’خواتین و حضرات، ہم یہاں پر ایک پْرامن اور غیر پْرتشدد شہری کی گرفتاری کا مطالبہ کرتے ہیں۔اس حرکت کے بعد میئر صادق خان اپنی نشست پر بیٹھ گئے اور اخبار کا مطالعہ شروع کردیا جبکہ پولیس نے مظاہرین کو وہاں سے ہٹایا۔

موضوعات:لندن