26جنوری سے پہلے ان تین افراد کو ڈھونڈو ورنہ۔۔ بھارتی پولیس اور خفیہ اداروں کی دوڑیں لگ گئیں، یہ تین افراد کون ہیں اور ان کو دہلی میں کیوں تلاش کیا جا رہا ہے؟

  اتوار‬‮ 14 جنوری‬‮ 2018  |  16:55

نئی دہلی (آئی این پی ) بھارت کے دارالحکومت نئی دہلی میں یوم جمہوریہ کے موقع پر خفیہ ایجنسیوں نے بڑے دہشت گردانہ حملے کا خدشہ ظاہر کرتے ہوئے الرٹ جاری کردیا ۔بھارتی میڈیا کے مطابق خفیہ ایجنسیوں نے ایک کال انٹرسیپٹ کرنے کے بعد دہلی پولیس کو یہ ان پٹ بھیجا ہے۔ خفیہ ایجنسیوں کے مطابق دہلی کے جامع مسجد علاقہ میں تین مشتبہ افراد چھپے ہوئے ہیں اور یہ تینوں 26 جنوری کو کسی بڑے دہشت گردانہ حملہ کی کوشش میں ہیں۔خفیہ ایجنسیوں کے مطابق تینوں مشتبہ افراد پشتو زبان میں بات چیتکرتے ہوئے سنے گئے ہیں ۔

ایسا معلوم ہوتا ہے کہ یہ تینوں مشتبہ افغانستانی ہیں ۔ بھارتی حکام کا دعویٰ ہے کہ خفیہ ایجنسیوں کے ذریعہ ٹریس کی گئی دہشت گردوں کی بات چیت سے پتہ چلتا ہے کہ انہیں پاکستان میں واقع دہشت گرد انہ کیمپوں میں ٹریننگ دی گئی ہے ۔ بتایا جارہا ہے کہ ان مشتبہ افراد کو جموں کے پلوامہ سے ہدایات دی جارہی ہیں۔اس اطلاع پر اسپیشل سیکورٹی میٹنگ میں بھی تبادلہ خیال کیا گیا ہے ۔ دہلی پولیس کی اسپیشل ٹیم کے علاوہ تمام تحقیقاتی ایجنسیاں محتاط ہوگئی ہیں اور اس حوالے سے لگاتار کام کررہی ہیں۔

موضوعات:

آج کی سب سے زیادہ پڑھی جانے والی خبریں