لندن(این این آئی)برطانیہ عالمی عدالت انصاف میں جج کی دوڑسے ستبردار ہوگیا جس کے بعد بھارتی جج دلویر بھنڈاری عالمی عدالت انصاف کے دوسری بارجج منتخب ہو گئے۔میڈیارپورٹس کے مطابق بھنڈاری کوجنرل اسمبلی میں 193میں سے183اورسلامتی کونسل کے تمام15ووٹ ملے۔

اس سے قبل جج کی تعیناتی پربھارت اوربرطانیہ میں سفارتی تنازع پیداہوگیاتھا۔بھارتی جج کو جنرل اسمبلی میں جبکہ برطانوی جج کوسلامتی کونسل میں زیادہ ووٹ ملے تھے۔جج کی تعیناتی کے لیے جنرل اسمبلی اور سلامتی کونسل دونوں میں اکثریت درکارہے۔برطانیہ نے ڈیڈلاک ختم کرانے کے لیے مشترکہ کانفرنس کی تجو یزدی تھی۔

تاریخ میں پہلی مرتبہ برطانیہ کی عالمی عدالت انصاف میں نمائندگی نہیں۔واضح رہے کہ پاکستان میں دہشت گردی کی کارروائیوں میں گرفتار ہونے اور ان کا اعتراف کرنے والے بھارتی خفیہ ایجنسی را کے ایجنٹ کلبھوشن یادیو کو سنائی جانے والی سزائے موت رکوانے کے لیے بھارت عالمی عدالت انصاف میں مقدمہ لے جاچکا ہے۔بھارتی جج کی تقرری کے بعد اس کیس کے فیصلے پر اثر انداز ہونے کے امکانات ہیں۔

موضوعات:عالمی عدالت انصاف