اسلام آباد (مانیٹرنگ ڈیسک)افغانستان میں داعش کو امریکہ نے اپنی نگرانی میں قدم جمانے کی اجازت دی، داعش کو افغانستان میں پنجے گاڑنے کیلئے بھرپور طریقے سے فوجی، سیاسی اور انٹیلی جنس مدد فراہم کی گئی، ٹرمپ انتظامیہ نے مدر آف آل بم چلایا لیکن اس کے ایک روز

بعد داعش نے اگلے ضلع پر قبضہ کرلیا، حامد کرزئی کا الجزیرہ ٹی وی کو انٹرویو۔ تفصیلات کے مطابق سابق افغان صدر حامد کرزئی نے الجزیرہ ٹی وی کو دئیے گئے اپنے ایک انٹرویو میں انکشاف کرتے ہوئے کہا ہے کہ امریکہ نے افغانستان میں قدم جمانے میں داعش کی بھرپور طریقے سے مدد کی۔ ’میں سمجھتا ہوں کہ داعش کو امریکہ نے اپنی نگرانی میں قدم جمانے کی اجازت دی، داعش کو افغانستان میں پنجے گاڑنے کیلئے بھرپور طریقے سے فوجی، سیاسی اور انٹیلی جنس مدد فراہم کی گئی‘۔انہو ں نے کہا کہ امریکہ نے خود ہی داعش کو افغانستان میں پھیلایا جس کے بعد ٹرمپ انتظامیہ نے مدر آف آل بم چلایا لیکن اس کے ایک روز بعد داعش نے اگلے ضلع پر قبضہ کرلیا۔ اس کارروائی سے یہ بات بڑی واضح ہوجاتی ہے کہ افغانستان میں داعش کے سر پر امریکہ کا ہاتھ ہے۔ واضح رہے کہ مدر آف آل بم چلانے کے بعد حامد کرزئی نے امریکہ کے اس اقدام کی شدید الفاظ میں مذمت کی اور کہا کہ امریکہ نے نئے اور خطرناک ہتھیاروں کے تجربات کرنے کیلئے افغانستان کو تجربہ گاہ بنالیا ہے جو غیر انسانی اور انتہائی ظالمانہ اقدام ہے۔

موضوعات:افغانستان امریکہ حامد کرزئی داعش