کویت سٹی/منامہ/ریاض(این این آئی)سعودی عرب،کویت اوربحرین نے لبنان میں مقیم اپنے شہریوں کو فوری طور پر وہاں سے نکل جانے کی ہدایت کردی ۔غیرملکی خبررساں ادارے کے مطابق سعودی وزارت خارجہ نے لبنان میں مقیم شہریوں کے لیے سفری انتباہ جاری کیا اور ان سے کہا کہ وہ وہاں سے کسی بھی اور بین الاقوامی مقام یا شہر کی جانب سفر سے گریز کریں۔سعودی پریس ایجنسی ( ایس پی اے) کے مطابق وزارت خارجہ نے لبنان

میں رہنے یا وہاں مختصر قیام اور سیر کی غرض سے جانے والے تمام شہریوں سے کہا ہے کہ وہ جتنا جلد ممکن ہو،اس ملک سے نکل جائیں۔سعودی عرب سے قبل مملکت بحرین نے پانچ نومبر کو لبنان میں مقیم اپنے شہریوں کو خبردار کیا تھا کہ وہ فوری طور وطن واپس آجائیں اور وہاں غیر ضروری سفر سے گریز کریں۔بحرین نے یہ سفری ہدایت لبنان کے وزیراعظم سعد الحریری کے استعفے کے اعلان کے ایک روز بعد جاری کی تھی۔

موضوعات:بحرین سعودی عرب کویت لبنان