ریاض(مانیٹرنگ ڈیسک) ایک سعودی نوجوان نے کرسٹیانو رونالڈو کی تعریف کرنے پر اپنی بیوی کا طلاق دے دی۔ بارسلونا اور رئیل میڈرڈ کے درمیان ہونے والے میچ میں بیوی نے کرسٹیانو رونالڈو کی تعریف کی جس پر شوہر اور بیوی کے درمیان نونک جھونک شروع ہو گئی

اور نوبت طلاق تک پہنچ گئی ۔ رئیل میڈرڈ کی کامیابی پر میاں بیوی میں نوک جھونک ہوگئی تھی۔ بیوی رونالڈو کی کارکردگی کی تعریف کررہی تھی ، شوہر کو غصہ آگیا اور اس نے نہ صرف یہ کہ بیوی کو زدوکوب کیا بلکہ گالیاں دیتے ہوئے اسے طلاق کا پروانہ بھی تھما دیا۔سعودی شہریوں کی جانب سے ذرا ذرا سی باتوں پر بیویوں کو طلاق دینے کے واقعات میں خطرناک حد تک اضافہ ہو گیا ہے۔ واضح رہے کہ اس سے قبل بھیایسا ہی ایک اور افسوسناک واقعہ سعودی عرب کے دارالحکومت ریاض میں پیش آیا جہاں شوہر نے خود سے آگے چلنے پر اپنی بیوی کو طلاق دے دی۔رپورٹ کے مطابق اس شخص کا کہنا ہے کہ اس نے کئی بار اپنے بیوی کو سمجھایا کہ وہ راستے میں چلتے ہوئے اس سے آگے نہ چلا کرے تاہم بات نہ ماننے پر اس نے بیوی کو طلاق دے دی۔اسی طرح ایک سعودی شہری نے بیوی کو محض اس لیے طلاق دے دی کہ اس کی بیوی نے دعوت کے دوران مہمانوں کے سامنے بکرے کی سری نہیں رکھی۔جب مہمان چلے گئے تو شوہر نے بیوی سے جھگڑا شروع کر دیا اور کہا کہ اس نے کھانے کا سب سے اہم جُز مہمانوں کے سامنے پیش نہ کر کے ان کی بے عزتی کی اور اسے اپنے دوستوں کے سامنے شرمندہ ہونا پڑا۔

موضوعات:سعودی شہری طلاق