قاہرہ(آئی این پی )مصری ذرائع نے دعویٰ کیا ہے کہ ایرانی پاسداران انقلاب کی فورس امیرِ قطر کے محل کے اندر ان کی حفاظت کر رہی ہے۔عرب میڈیا کے مطابق مطابق پاسداران انقلاب کی یہ فورس تربیت کے نام پر قطر پہنچی ہے اور شاہی محل کے اندر موجود ایرانی عناصر قطر کی فوجی وردیوں میں ملبوس ہیں تا کہ بیرونی دنیا کو مغالطے میں ڈالا جا سکے۔سعودی عرب ، امارات ، بحرین اور مصر سمیت کئی عرب ممالک

نے پیر کے روز قطر کے ساتھ تعلقات منقطع کر لیے تھے۔ان میں ہر ملک نے علاحدہ بیان میں اپنے اس اقدام کی وجوہات تفصیل کے ساتھ بیان کیں۔ تمام بیانات میں اس نقطے پر اتفاق رہا کہ قطر کا دہشت گردی کی سپورٹ میں کردار ہے اور وہ دیگر ممالک کے اندرونی معاملات میں مداخلت کر رہا ہے۔واضح رہے کہ خلیج تعاون کونسل میں شامل دو ممالک کویت اور اومان نے قطر کے ساتھ سفارتی تعلقات منقطع نہیں کیے ہیں۔

موضوعات:امیر قطر