مدینہ (مانیٹرنگ ڈیسک) مدینہ قاسم ہائی وے پرپانچ بسوں میں خوفناک تصادم ،6افراد جاں بحق جبکہ 81زخمی ہوگئے ۔قاسم سول ڈیفنس کے ترجمان کرنل عبدالعزیزالتمینی نے تصدیق کی ہے کہ گزشتہ جمعہ کی رات مدینہ قاسم ہائی وے پر پانچ بسوں کے تصادم  کے نتیجے میں 6 افراد جاں بحق اور81 زخمی ہوگئے ہیں۔سعودی گزٹ کےمطابق یہ حادثہ سقریات قبرا پل کے نزدیک پیش آیا جو کہ جبل تمیہ کے نزدیک اور دارالحکومت بریدہ سے  225 کلومیٹر کے فاصلے پر واقع ہے ۔

تفصیلات کے مطابق یہ بسیں ریاض اوریواے ای کی جانب مشرقی صوبے سے واپس جارہی تھیں کہ ان کوحادثہ پیش آگیا۔اس حادثےمیں جاں بحق افرادکاتعلق کئی ممالک سے ہے ۔سعودی ریڈکریسنٹ کے ڈائریکٹرکے مطابق جب یہ حادثہ پیش آیاتواس کے فوری بعد 28کے قریب ایمرجنسی ٹیمیں جائے حادثہ پرپہنچ گئیں اورکئی متاثرین کاعلاج جائے حادثہ پرکیاگیاجبکہ باقی افرادمختلف ہسپتالوں میں منتقل کردیاگیا۔مدینہ قاسم ہائے وے کے اس حادثے کے بعد جاں بحق او رزخمی ہونے والے افرادکے نام بھی جاری کئے گئے ہیں ۔

موضوعات:مدینہ منورہ