تیانجن( مانیٹرنگ ڈیسک)وزیراعلیٰ پنجاب محمد شہبازشریف چین کے معروف صنعتی شہرتیانجن (Tianjin ) پہنچ گئے۔وزیراعلیٰ کا تیانجن پہنچنے پر پرتپاک استقبال۔میئر تیانجن وانگ ڈونگ فینگ( Mr.Wan dongfeng)کی جانب سے وزیراعلیٰ محمد شہبازشریف کے اعزاز میں خصوصی استقبالیہ۔استقبالیے میں عوامی نمائندوں،کیمونسٹ پارٹی کے عہدیداروں اوراعلی حکام نے شرکت کی۔اس موق پر وزیر اعلیٰ پنجاب شہباز شریف کا کہنا تھا کہ تیانجن اور پنجاب کی تجارت اورباہمی تعاون میں اضافہ قابل تحسین ہیں۔دونوں صوبوں کے درمیان تجارتی تعاون میں اضافے کے بے پناہ امکانات موجود ہیں۔

پاکستان کی بڑی آبادی نوجوانوں پر مشتمل ہے اور چین کی مدداورتعاون سے پاکستانی نوجوانوں کو ہنر مند بنایاجاسکتا ہے ۔ون بیلٹ ون روڈتنازعات ختم کرے گا اور مشاورت بڑھائے گا۔شہبازشریف کا مزیدکہنا تھا کہ صدر شی جی پنگ کا ون بیلٹ ون روڈ کا منصوبہ ملکوں کو جوڑنے کا منصوبہ ہے ۔اس سے باہمی تعلق کو فروغ ملے گا‘ ون بیلٹ ون روڈ کا بہت بڑا حامی ہوں ۔بیلٹ این روڈ فورم نے سی پیک کیلئے نئے افق کشادہ کردیئے ہیں ۔اس تاریخ ساز منصوبے سے لوگوں کی زندگیاں آسان ہوں گی اور خوشحالی آئے گی۔میئر تیانجین کا اس موقع پر کہنا تھا کہ وزیراعلیٰ شہبازشریف پاک چین دوستی کے استحکام اورفروغ کیلئے عظیم خدمات سرانجام دے رہے ہیں ۔چین پاکستان دوستی موسموں کی تبدیلی سے بے نیاز ہے۔پنجاب کے ساتھ ووکیشنل ٹرینگ اورانفارمیشن ٹیکنالوجی سمیت تمام شعبوں میں تعاون کریں گے۔

موضوعات:چین شہباز شریف وزیر اعلیٰ پنجاب