سری نگر(مانیٹرنگ ڈیسک) مقبوضہ کشمیر میں بھارتی فوج کے خلاف ایک نوجوان کو جیپ کے بمپر پر باندھ کر مارچ کرنے کے الزام میں ایف آئی آر درج کرلی گئی ۔گزشتہ ہفتے بھارتی فوج کی جانب سے ایک کشمیری نوجوان کو جیپ کے آگے بمپر کے ساتھ باندھ کر مارچ کیا گیا تھا ، جس کی وڈیو انٹرنیٹ پر وائرل ہونے کے بعد سے بھارتی حکومت اور

فوج کو سخت تنقید کا سامنا تھا ۔تاہم اتوار کے روز مقبوضہ وادی کی پولیس نے بھارتی فوج کے خلاف اس حوالے سے ایک ایف آئی آر درج کرلی ہےاور نوجوان کو جیپ پر باندھنے والے فوجی کو گرفتار کر لیا گیا ہے ۔پولیس کا کہنا ہے کہ ایف آئی آر میں نوجوان کے اغوا اور اس کی زندگی کو خطرے میں ڈالنے کے الزامات بھی عائد کیے گئے ہیں۔

موضوعات:بھارت کشمیر