نئی دہلی (آئی این پی) بھارت نے جامع مذاکرات کی بحالی کی ذمہ داری پاکستان پر ڈالتے ہوئے ہرزہ سرائی کی ہے کہ پڑوسی ملک کو ریاستی سرپرستی میں جاری دہشتگردی کا خاتمہ کرنا ہوگا۔بدھ کو بھارتی میڈیا کے مطابق وزیر داخلہ راجناتھ سنگھ نے راجیہ سبھا میں خطاب کرتے ہوئے کہاکہ بھارتی حکومت جموں وکشمیر میں صورتحال کو معمول پر لانے کیلئے تمام اسٹیک ہولڈرز کے ساتھ بات کرنے کو تیار ہے ۔کم از کم پاکستان

کو شروعات کرتے ہوئے کہنا چاہیے کہ وہ بات کرنے اور دہشتگرانہ سرگرمیوں کے خاتمے اور (دہشتگردی کو ختم کرنے میں )دنیا میں کسی بھی ملک کی حمایت حاصل کرنے کیلئے تیار ہے ۔بھارتی وزیرداخلہ نے کہاکہ سابقہ حکومت نے بھی پاکستان کے ساتھ ریاستی دہشتگردی کے خاتمے کی شرط رکھی تھی ۔مقبوضہ کشمیر کی صورتحال کے حوالے سے بھارتی وزیر داخلہ نے کہاکہ ہم ہرکسی سے بات کرنے کیلئے تیار ہیں

موضوعات:مقبوضہ کشمیر