اسلام آباد (آئی این پی) وزیراعظم محمد نواز شریف نے کہا ہے کہ پاکستان اور یمن کے خصوصی تعلقات باہمی اعتماد‘ دوستی اور تعاون پر مبنی ہیں‘ انسانی ہمدردی کی بنیاد پر یمن کے لئے فوری 10لاکھ ڈالر کی امداد کا اعلان کیا ہے۔ منگل کو یمن کے وزیر خارجہ عبدالمالک عبدالجلیل المخلاقی سے ملاقات کے دوران گفتگو کرتے ہوئے وزیراعظم نے کہا کہ پاکستان اور یمن کے خصوصی تعلقات باہمی اعتماد دوستی اور تعاون پر مبنی ہیں۔

انسانی ہمدردی کی بنیاد پر یمن کے لئے فوری دس لاکھ ڈالر کی امداد کا اعلان کیا ہے۔ امداد مشکل میں گھرے یمن کے عوام کے لئے ہے۔ وزیراعظم نواز شریف نے یمن میں امن کی بحالی کے لئے بھی نیک خواہشات کا اظہار کیا اور مارچ 2015 میں یمن سے پاکستانیوں کی وطن واپسی پر تعاون پر شکریہ ادا کیا۔ یمن وزیر خارجہ نے پاکستان کے تعاون پر وزیراعظم کا شکریہ ادا کیا۔

موضوعات:یمن