اسلام آباد(مانیٹرنگ ڈیسک)حوثی باغیوں کے سعودی عرب پر حملے میں پاکستانی شہری نشانہ بن گئے۔ تفصیلات کے مطابق حوثی باغیوں کی جانب سے سعودی عرب کے علاقے نجران میں کی جانے والی شیلنگ کے نتیجے میں چار پاکستان شہری نشانہ بن گئے ہیں۔ خلیج ٹائمز کی رپورٹ کےمطابق نجران میں حوثی باغیوں نے شیلنگ کی جس کے

نتیجے میں روزگار کے سلسلے میں سعودی عرب میں مقیم چار پاکستان شہری شدید زخمی ہو گئے ہیں جنہیں فوری طور پر طبی امداد کیلئے قریبی ہسپتال منتقل کر دیا گیا ہے۔نجران میں سول ڈیفنس کے قائم مقام ترجمان عبداللہ الفری نے نجران شہر پر حوثی باغیوں کے حملے کی تصدیق کرتے ہوئے بتایا ہے کہ حوثی باغیوں نے دراصل نجران شہر کو نشانہ بنانے کی کوشش کی تھی۔واضح رہے کہ سعودی عرب کی سربراہی میں اتحادی ممالک پڑوسی ملک یمن کی آئینی حکومت کے ساتھ مل کر باغیوں کیخلاف برسرپیکار ہیں جس پر کبھی کبھار یمن کی حدود سے بھی سعودی عرب پر راکٹ حملے ہوتے رہتے ہیں۔

موضوعات:پاکستانی شہری حوثی باغی سعودی شہر شیلنگ