برلن(مانیٹرنگ ڈیسک)امریکہ اور روس کی یورپی سرحدوں پر فوج کی موجودگی کے بعد جرمنی بھی میدان میں کود پڑا۔ تفصیلات کے مطابق جرمنی نے اپنے سینکڑوں فوجیوں کو بالٹک ریجن میں روسی سرحد پر تعینات کرنا شروع کر دیا ہے۔ انٹرنیشنل ویب سائٹ پریس ٹی وی کی رپورٹ کے مطابق نیٹو افواج کا 500 فوجیوں پر مشتمل دستہ لتھوانیا کی سرحد پر تعینات کیا جا رہا ہےاور دستے میں بیلجئم ، نیدر لینڈ اور جرمنی کے فوجی شامل ہیں۔

جرمن فوج کے دستے کے کمانڈر کرسٹوف ہوبرکے مطابق تعینات فوجیوں کو بھرپور ٹریننگ کے بعد نئی ذمہ داریاں سونپی گئی ہیں اور وہ کسی بھی بڑی کارروائی کیلئے مکمل طور پر تیار ہیں۔ کرسٹوف ہوبر کے اس بیان نے روس اور امریکہ کے مابین جنگ کے خطرات کو مزید گہرا کر دیا ہے اور اس بیان کو تیسری جنگ عظیم کی طرف اشارے کے طور پر لیا جا رہا ہے۔ پریس ٹی وی کی رپورٹ کے مطابق جرمنی کی 122 بٹالین انفینٹری کے جوانوں کے ساتھ 26 لیپرڈ2- ٹینک اور 170 آرمرڈ وہیکلز بھی لتھوانیا کی سرحد پر تعینات کئے گئے ہیں جو ہر طرح سے چاق و چوبند ہیں۔

موضوعات:امریکہ تسیری عالمی جنگ جرمنی روس