ہیں کواکب کچھ نظر آتے ہیں کچھ .. دیتے ہیں دھوکہ یہ بازی گر کُھلا ۔۔۔ ایسا معلوم ہوتا ہے کہ مرزا غالب نے یہ شعر کچھ ایسے ہی لوگوں کے لیے کہا تھا جن کا ذکر ہم کرنے جا رہے ہیں۔ ان تصاویر میں نظر آنے والی نوجوان دوشیزہ کا تعلق انڈونیشیا سے ہے اور اس کا نام پوسپا ڈیوی ہے۔ اس دوشیزہ کا معمول ہے کہ وہ سوشل میڈیا ویب سائٹ انسٹاگرام پر اپنے اکاؤنٹ پر مختلف تصاویر پوسٹ کرتی ہے جن میں وہ مسلسل طور پر دو

نوجوانوں کے ساتھ نظر آتی ہے۔ پوسپا کے فالوورز کی جانب سے ان تصاویر اور بیک وقت دو نوجوانوں کے ساتھ اس کے تعلق پر دل چسپ تبصرے بھی سامنے آتے ہیں۔انگریزی ویب سائٹstomp نے پوسپا کے انسٹاگرام اکاؤنٹ سے لے کر اس کی متعدد تصاویر جاری کی ہیں اور ساتھ ہی ایک ایسا انکشاف کیا ہے جس کو جان کر ان تصاویر کو دیکھنے والے تھوڑی دیر کے لیے سکتے میں آجاتے ہیں۔ ہم جانتے ہیں کہ آپ بھی یقینا اس پہیلی کو بوجھنے کے لیے بے تابی کے ساتھ ان سطور کو پڑھنے میں مصروف ہوں گے۔ چلیے اب آپ کو مزید انتظار نہیں کراتے اور دھماکا خیز حقیقت آپ کے سامنے لاتے ہیں۔ تو جناب مذکورہ ویب سائٹ کے مطابق تصاویر میں نظر آنے والی پوسپا ڈیوی کوئی نوجوان دوشیزہ نہیں بلکہ چند روز قبل اس نے اپنی 50 ویں سال گرہ منائی ہے۔ جہاں تک تصاویر میں نظر آنے والے دو نوجوانوں کا تعلق ہے تو وہ پوسپا کے بوائے فرینڈ نہیں بلکہ اس کے بیٹے ڈینس اور ڈینیئل ہیں۔پوسپا نے اپنے چہرے اور خد و خال پر عمر بڑھنے کے اثرات ظاہر نہ ہونے کی اصل وجہ صحت بخش غذائی نظام کو قرار دیا۔ اس کے علاوہ پوسپا ڈیوی ایروبکس (ورزش) ، زومبا رقص ، تیراکی اور بیڈمنٹن کھیلنے کا بھی خاص اہتمام کرتی ہیں۔

موضوعات:پہیلی