کراچی(آئی این پی ) چینی ماہرین کی معاونت سے سندھ میں پہلی مرتبہ رعشہ کے مریضوں کے دماغ میں پیس میکر لگانے کا عمل شروع ،پیس میکر سے مرگی سمیت دیگر دماغی امراض کا علاج ممکن ہوگیاہے۔نیوروسرجن ستار ہاشم نے کہا ہے کہ چین کے ماہرین کی معاونت سے ایک ایسی ڈیوائس تیار کی گئی ہے جس کو دماغ کے اندر نصب کرکے رعشہ(ہاتھوں کی کپکپاہٹ)ڈپریشن اور مرگی سمیت دیگر دماغی بیماریوں کا علاج ممکن ہوگیا ہے۔ جدید ترین تکنیک کے ذریعے دماغ کے اندر پیس میکر لگا کر

ہاتھوں کی کپکپاہٹ کو کنٹرول کیا جاسکے گا۔ انہوں نے کہا جدید تکنیک کو کراچی کے نجی اسپتال میں پہلی بار متعارف کرایا جارہا ہے۔ اس سے قبل پیس میکر دل کی دھڑکن کنٹرول کرنے کے لئے لگایا جاتا تھا تاہم اب دماغ میں پیس میکر لگا کر دماغی امراض کا علاج ممکن ہوا ہے۔ پیس میکر کو کنٹرول کرنے کے لئے ڈیوائس استعمال کی جائے گی مریض کے سر کے اندر ڈیوائس زندگی میں ایک بار لگائی جائے گی تاہمج ڈیوائس میں استعامل ہونے ولای بیٹری 7 سال بعد تبدیل کی جائے گی۔

موضوعات:پیس میکر نیوروسرجن ستار ہاشم