اسلام آباد(مانیٹرنگ ڈیسک)ہمارے ہاں ہر گھر میں مرغی بہت شوق سے پکائی اور کھائی جاتی ہے لیکن حال ہی میں ایک ایسی تحقیق کی گئی ہے جس کے بعد مرغی کھانے سے قبل آپ بار بار سوچیں گے ۔ انسٹی ٹیوٹ آف فوڈ ریسرچ کی جانب سے کی گئی تحقیق میں بتایا گیا ہے کہ کچی مرغی سے نکلنے والے پانی میں بیکٹیریا کی انتہائی افزائش ہوتی ہے اور یہ انسانی صحت کیلئے حد سے زیادہ خطرناک ہے۔ تحقیق میں ماہرین نے اس جگہ سے نمونے اکٹھے کئے جہاں مرغی رکھی گئی تھی اور اورگرد اس کا پانی بھی موجود تھا۔ ٹیسٹ کے نتائج نے ماہرین کے ہوش اڑاد ئیے

کیونکہ اس پانی میں ایسے بیکٹیریا پائے گئے جو انسانی صحت کیلئے زہر قاتل ہیں۔ ماہرین کا کہنا ہے کہ کچی مرغی کے پانیمیں وہ بیکٹیریا پائے جاتے ہیں جو انسانی معدے کیلئے خطرناک ہونے کے ساتھ ساتھ فوڈ پوائزنگ کی وجہ بنتے ہیں۔ تحقیق کار ہیلن برائون کا کہنا ہے کہ ان کی تحقیق کا مقصد لوگوں کو یہ بتانا ہے کہ مرغی پکانے سے قبل ایسی جگہ رکھی جائے جہاں مرغی کا پانی پکانے والی جگہ کے قریب نہ ہو اس طرح جب آپ بازار سے مرغی خریدں تو اس بات کو یقینی بنائیں کہ مرغی صاف ستھری جگہ رکھی گئی ہے اور اس کا پانی اس جگہ موجود نہیں ہے۔

موضوعات:مرغی