اسلام آباد(مانیٹرنگ ڈیسک)ادرک ایک سبزی جس کو مختلف کھانوں میں استعمال کیا جاتا ہے اور قدیم زمانے سے اسکو مختلف بیماریوں کے علاج کیلئے بھی استعمال کیا جارہا ہے لیکن آج بیشتر لوگ اسکی افادیت سے پوری طرح واقف نہیں ہے یہ جادوئی چیز بیشمار بیماریوں سے شفاء دیتی ہے ۔

ادرک میں وٹامن سی کی مقدار موجود ہوتی ہے۔ادرک متلی ،چکر کو روکتی ہے اوربہت سے درد میں آفاقہ دیتی ہے۔آئیں آپ کو ادرک کے دیگر فوائد کے بارے میں بتاتے ہیں جو مندرجہ ذیل ہے:
جسمانی دفاعی نظام کی مضبوطی:
ادرک کا استعمال سینے میں جکڑن اور سردیوں میں زکام سے بچاتا ہے ۔اسکی چائے بخار اور درد میں بہت فائدے مند ثابت ہوتی ہے۔
جوڑوں کے درد کا علاج:
ادرک جوڑوں کے درد کیلئے انتہائی مفید اور اس کو کم کرنے کی صلاحیت رکھتی ہے۔ادرک میں موجود جنجرول کا مرکب درد اور سوزش میں بہت فائدہ دیتا ہے۔
یاداشت کو بہتر بنائے:
ادرک دماغی خلیات کو ٹوٹ پھوٹ سے بچاتی اور نفسیاتی امراض کے پھیلاؤ سے روکتی ہے۔ادرک معدے کے جملے امراض میں مفید اور دست آور بھی ہے اوریہ انتروں کی سوزش بھی ختم کرتی ہے۔

موضوعات:ادرک