لاہور (مانیٹرنگ ڈیسک )مہوش حیات کو کشمیر پر بیان دینے سے انکار کرنے پر سوشل میڈیا پر خوب تنقید کا نشانہ بنا یا گیا ۔ اسی سلسلے میں حامد میر نے اداکارہ سے کہا کہ وہ ہمیں بتائیں کہ آپ کو کشمیر پر بات کرنے سے کس نے روکا ہوا تھا اس کا نام بے نقاب کریں ۔ معروف اداکارہ نے عوام کی تنقید پر ٹویٹر پر ایک پیغام جاری کیا ہے کہ میری سوشل میڈیا پر وائرل ہونے والی ویڈیو کو سیاق و سباق سے

ہٹ کر دکھایا جارہا ہے۔ میں کشمیر کے مسئلے پر سب سے زیادہ بات کرنے والی ہوں اورکرتی بھی ہوں ۔ میرے کشمیر کے حوالے سے مستقبل میں بہت سارے منصوبے ہیں ۔معروف اداکارہ مہوش حیات نے بتایا کہ وہ ایک فلاحی پروگرام تھا اور مجھے ’’پی آر‘‘ کی طرف سے کہا گیا تھا کہ سیاسی معاملات کے حوالے سے کوئی بیان نہ دیں کیونکہ آپ یہاں غریبوں اور یتیموں کی مدد کیلئے آئیں ہیں ۔

موضوعات:مہوش حیات