لاہور(این این آئی) اداکارہ و اینکر پرسن نادیہ خان نے کہا ہے کہ میں گالف کی کھلاڑی بننا چاہتی تھی مگر قسمت کی دیوی مجھے شوبز کی دنیا میں لے آئی ۔انہوں نے ایک انٹرویو کے دوران گفتگو کرتے ہوئے کہا کہ میں نے زندگی میں جو کچھ بھی کیا اپنی طرف سے ہمیشہ اچھا اور سوچ سمجھ کر کیا مگر پھر بھی انسان سے غلطیاں ہو جاتی ہیں ۔انہوں نے کہا کہ ڈرامہ سیریل ’’بندھن ‘‘میری سب سے یادگار ڈرامہ سیریل تھی جس نے راتوں رات مجھے شہرت کی بلندیوں پر پہنچا دیا۔

اس کے بعد نادیہ خان مارننگ شو میں بھی چاہنے والوں نے مجھے بڑا پسند کیا اور میں نے طویل عرصے تک نجی ٹی وی چینل سے اس شو کو کیا ۔نادیہ خان نے کہا کہ میں آج کل ٹی وی ڈراموں میں کام کررہی ہوں اور بھرپور لطف اندوز ہورہی ہوں ۔ انہوں نے کہا کہ کام کرتے ہوئے میں نے کبھی ٹینشن نہیں لی ، ہر کام کو پہلے سمجھا اور پھر بڑے سوچ سمجھ کر پرفارم کرتی ہوں ۔ انہوں نے کہا کہ میں اپنی موجودگی زندگی سے مطمئن ہوں اور کسی سے کوئی گلہ شکوہ نہیں ۔

موضوعات:نادیہ خان