طیفا ان ٹربل کو کامیاب بنانے پر مداحوں کا شکر گزار ہوں، جلد فلم کا سیکوئل بناؤنگا، ٹیم کے ہر ہنر مند فنکاروں کی دل سے قدر کرتا ہوں : علی ظفر

6  اپریل‬‮  2019

لاہور (این این آئی) پاکستان کے سپرسٹار علی ظفر اور مایا علی کی سپرہٹ فلم طیفا ان ٹربل کے50کروڑ کا بزنس مکمل ہونے پر کراچی کے علاقے ڈیفنس میں شاندار جشن منایا گیاجس میں فنکاروں، ہنرمندوں، موسیقاروں، فلم سازوں، ہدایت کاروں اور فیشن انڈسٹری سے تعلق رکھنے والے افراد نے شرکت کی۔تقریب میں ایک طرف ’جوانی پھر نہیں آنی 2‘کے ہیرو ہمایوں سعید، علی ظفر کو مبارکباد دے رہے تھے۔

تو دوسری طرف ’لوڈویڈنگ ‘ کے ہدایت کار نبیل قریشی اور پروڈیوسر فضا علی مرزا فلم کی تمام کاسٹ کو مبارکباد دے رہیں تھیں۔فلم’ رانگ نمبر 2‘ کے ہدایت کار یاسر نواز، ندا یاسر،’ لاہور سے آگے‘ کے پروڈیوسر وجاہت رؤف، نام ور گلوکار عمّو، ٹیلی وڑژن انڈسٹری کے سینئر اداکار محمود اسلم، بہروز سبزواری، جاوید شیخ کے صاحبزادے اور مشہور اداکار شہزاد شیخ، نامور گلوکارہ کومل رضوی، معروف کوریو گرافر حسن رضوی، خوب صورت ماڈل نادیہ حسین، نبیلہ اور طیفا ان ٹربل کے ہدایت کار احسن رحیم اور فلم کی پروڈیوسر عائشہ علی ظفر تمام مہمانوں سے مبارک باد وصول کرتے رہے۔اس موقع پر سپراسٹار علی ظفر نے اپنے مداحوں کو خوش خبری سناتے ہوئے کہا کہ جس طرح آپ نے طیفا ان ٹربل کو کامیاب بنایا، اب میں نے فیصلہ کیا ہے کہ اس کا شان دار سیکوئل بنایا جائے جس کا نام طیفا ان ٹربل پارٹ ٹو ہوگا۔ یہ فلم آئندہ برس ریلیز ہوگی، میں اپنی ٹیم کے ایک، ایک ہنرمند اور فنکار کی دل سے قدر کرتا ہوں اور خاص طور پر اپنی بیگم عائشہ، جو اس فلم کی پروڈیوسر بھی تھیں، کا شکرگزار ہوں۔علی ظفر نے کہا کہ مجھے چھنّو کے زمانے میں احسن رحیم نے بہت پروموٹ کیا، آج میں ان کی وجہ سے سپراسٹار بنا ہوں۔ کراچی کے تمام فن کار دوستوں کا شکریہ جو تقریب میں شریک ہوئے اور میری خوشیوں کو دوبالا کیا۔علی ظفر نے ہمایوں سعید کو تالیوں کی گونج میں سٹیج پر بلایا اور کہا کہ میں ان کی بڑی عزت کرتا ہوں، انہوں نے تین سپرہٹ فلمیں، پاکستان فلم انڈسٹری کو دیں۔جواب میں ہمایوں سعید نے علی ظفر کو مخاطب کرتے ہوئے کہا کہ یہ میرے پاس ڈراموں کیلئے گانے لے کر آتے تھے اور میں ان کو ہمیشہ یہ کہتا تھا کہ تم فلموں میں ہیرو آؤ، زبردست کامیابی ملے گی، اور پھر ایسا ہی ہوا۔

موضوعات:



کالم



شاہ ایران کے محلات


ہم نے امام خمینی کے تین مرلے کے گھر کے بعد شاہ…

امام خمینی کے گھر میں

تہران کے مال آف ایران نے مجھے واقعی متاثر کیا…

تہران میں تین دن

تہران مشہد سے 900کلو میٹر کے فاصلے پر ہے لہٰذا…

مشہد میں دو دن (آخری حصہ)

ہم اس کے بعد حرم امام رضاؒ کی طرف نکل گئے‘ حضرت…

مشہد میں دو دن (دوم)

فردوسی کی شہرت جب محمود غزنوی تک پہنچی تو اس نے…

مشہد میں دو دن

ایران کے سفر کی اصل تحریک حسین باقری ہیں‘ یہ…

ہم کرنا ہی نہیں چاہتے

وہ وجے تنوار تھا‘ ذات کا گجر تھا‘ پیشہ پہلوانی…

ٹھیکیدار

یہ چند سال پہلے کی بات ہے اور شہر تھا وینس۔ وینس…

رضوانہ بھی ایمان بن سکتی تھی

یہ کہانی جولائی 2023 ء میں رپورٹ ہوئی تھی‘ آپ…

ہم مرنے کا انتظار کیوں کرتے ہیں؟

’’میں صحافی کیسے بن گیا؟‘‘ میں جب بھی اس سوال…

فواد چودھری کا قصور

فواد چودھری ہماری سیاست کے ایک طلسماتی کردار…