جسٹن بیبر کا شادی کے 150 دن بعد ہی طلاق کا فیصلہ

  منگل‬‮ 19 فروری‬‮ 2019  |  11:17

نیویارک (این این آئی)کینیڈین پاپ اسٹار اور اداکار 24 سالہ جسٹن بیبر نے گزشتہ برس نومبر میں اعتراف کیا تھا کہ انہوں نے امریکی اداکارہ و ماڈل 21 سالہ ہیلی ہالڈ وین سے خفیہ شادی کرلی۔جسٹن بیبر نے خاموشی سے شادی کرنے کا اعتراف شادی کرنے کے 2 ماہ بعد کیا تھا۔تاہم خفیہ شادی سے قبل دونوں نے منگنی کا اعلان واضح طور پر کیا تھا اور کہا تھا کہ وہ جلد شادی کرنے والے ہیں۔تاہم بعد ازاں یہ اطلاعات بھی آئیں کہ کم عمری کی وجہ سے جسٹن بیبر اور ہیلی ہالڈ وین نے فوری شادی کا اردہ ترک


کرلیا۔لیکن پھر نومبر 2018 میں دونوں نے خفیہ شادی کرنے کا اعتراف کرکے سب کو حیران کردیا تھا۔لیکن شادی کے 140 دن کے بعد ہی ان دونوں کے درمیان طلاق کی خبریں سامنے آنے لگی تھیں۔رواں ماہ فروری کے آغاز میں شوبز ویب سائٹ ’گوسپ کاپ‘ نے فیشن میگزین کی خبر کا حوالہ دیتے ہوئے اپنی رپورٹ میں بتایا تھا کہ جسٹن بیبر اور ہیلی ہالڈ وین نے طلاق کا فیصلہ کرلیا۔رپورٹ میں دعویٰ کیا گیا تھا کہ دونوں کے درمیان طلاق کی نوبت اس لیے آئی کیوں کہ اطلاعات ہیں کہ جسٹن بیبر نے شادی کے بعد خفیہ طور پر سابق گرل فرینڈ گلوکارہ سیلینا گومز سے ملاقاتیں کی تھیں۔رپورٹ میں ذرائع سے بتایا گیا تھا کہ سیلینا گومز اور جسٹن بیبر کی خفیہ ملاقاتوں کے بعد نوبت طلاق تک پہنچی اور دونوں کے درمیان جلد علیحدگی ہونے کا امکان ہے۔تاہم اب جسٹن بیبر کی اہلیہ ماڈل ہیلی ہالڈ وین نے بھی شادی کے بعد اپنے مسائل پر کھل کر بات کی ہے اور کم عمری کی شادی کو خطرناک قرار دیا ہے۔برطانوی اخبار ’دی انڈیپینڈنٹ‘ کے مطابق ہیلی ہالڈ وین نے حال ہی میں فیشن میگزین ’ووگ‘ کے لیے فوٹوشوٹ کروایا۔ہیلی ہالڈ وین کی تصاویر آئندہ ماہ مارچ میں فیشن میگزین کی زینت بنیں گی۔ماڈل نے اس دوران پہلی بار شادی اور اپنے تعلقات پر کھل کر بات کی اور بتایا کہ اب ان کی زندگی میں کیا مشکلات ہیں اور ماضی میں ان کی زندگی کیسی تھی۔ہیلی ہالڈ وین نے کم عمری میں شادی کو خطرناک یا ڈراؤنہ تجربہ قرار دیتے ہوئے کہا کہ انہوں نے جلد شادی کرنے کا فیصلہ اچانک کیا۔ماڈل کا کہنا تھا کہ جسٹن بیبر سے ملتے ہیں انہیں ان سے محبت ہوگئی تھی اور ان سے ملاقات سے قبل انہوں نے کم عمری میں شادی کا فیصلہ بھی نہیں کیا تھا۔ہیلی ہالڈ وین کے مطابق ان کے خیال میں کم عمری میں شادی ان کے لیے ڈراؤنہ تجربہ ثابت ہوا، تاہم انہوں نے اس کی مزید وضاحت نہیں کی۔ہیلی ہالڈ وین نے جسٹن بیبر سے شادی کے بعد تعلقات میں کشیدگی پر کوئی بات نہیں کی اور نہ ہی انہوں نے طلاق کی چہ مگوئیوں پر کوئی بات کی۔

موضوعات:

loading...