لاہور(آئی این پی)فلم سٹار میرا نے کہا ہے کہ غر یبوں کیلئے ہسپتال بنانے کا منصوبہ ختم نہیں بلکہ اچھے وقت کے انتظار میں ہوں ،تحر یک انصاف کی حامی نہیں مگر وزیر اعظم عمران خان کی حکومت کو کام کرنے کا پورا موقعہ ملنا چاہیے ہوسکتا یہ عوام کے مسائل حل کر دیں ،شوبز میں میرے خلاف باتیں کر نیوالے اپنے وقت کا ضیاع کر رہے ہیں مجھے پرکسی کا کوئی اثر ہونے

والا نہیں ۔ ایک انٹر ویو کے دوران فلم سٹار میرا نے کہا کہ اس میں کوئی شک نہیں کہ پاکستان بدترین مسائل کا شکار ہے اس لیے میں سمجھتی ہوں کہ حکومت کو کام کرنے کا مکمل موقعہ ملنا چاہیے اسکے بغیر ملک آگے نہیں بڑھ سکے گا ۔ انہوں نے کہا کہ شوبز میں میرے دوست کم اورمخالفین زیادہ ہیں مگر مجھے اس سے کوئی فرق نہیں پڑتا کہ کون میرے بارے میں کیاکہتا ہے ۔

موضوعات:میرا