ممبئی(این این آئی) معروف بھارتی کامیڈین کپل شرما کو اپنا نیا شو ’فیملی ٹائم ود کپل‘ راس نہ آیا اور شائقین نے ان کے شو سے متعلق منفی ریمارکس دیے ہیں۔مقبول ترین مزاحیہ شو ’کامیڈی نائٹ ود کپل‘ اپنے میزبان کپل شرما کے چٹکلے اور بالی ووڈ اداکاروں کی کھٹی میٹھی باتوں کی وجہ سے بھارت سمیت دنیا بھر میں خاصی مقبولیت کا حامل تھا جو کہ کپل اور سنیل کے جھگڑے کی نذر ہو گیا۔

لیکن 8 ماہ طویل انتظار کے بعد یہ سمجھا جارہا تھا کہ ’فیملی ٹائم ود کپل ‘ کامیابی کے نئے ریکارڈ بنائے گا لیکن نیا شو کپل کو راس نہ آیا۔بھارتی میڈیا رپورٹس کے مطابق کپل کے قریبی ذرائع کا کہنا ہے کہ کپل شرما سامعین کی جانب سے نئے شو کے لیے منفی ردعمل سامنے آنے پر خاصے افسردہ ہیں کیوں کہ اْمید کی جارہی تھی کہ یہ شو سابقہ شو کی بہ نسبت زیادہ مقبول ہوگا لیکن حقیقت اس کے برعکس نکلی۔ذرائع کا کہنا ہے کہ شو کی غیر مقبولیت کی وجہ جہاں کپل کی دوران شوٹنگ عدم موجودگی اور شو کی منسوخی ہے وہیں سنیل گروور کا اپنا شو شروع کرنا بھی ہے جس میں اْن کے مدمقابل بگ باس کی فاتح شلپا شندے اور اعلی اصغر اور سوگھندرا مشرا ہوں گی۔

موضوعات:کپل شرما