دنیا کی ابھرتی ہوئی معیشتوں میں ہمارا نمبر پانچواں ہے، احسن اقبال

23  فروری‬‮  2018

لاہور (آئی این پی وفاقی وزیر داخلہ احسن اقبال نے کہا ہے کہ امن‘ یکجہتی اور ہم آہنگی کا فروغ وقت کی اہم ضرورت ہے‘ ہمارے خطے نے تنازعات کی جتنی قیمت ادا کی ہے اتنی کسی نے نہیں کی‘ حکومت نے بجلی کی قلت کا خاتمہ کیا اور دہشت گردی پر قابو پایا‘ ہم نے ہائر ایجوکیشن کمیشن کا بجٹ 13 ارب روپے سے بڑھا کر 35ارب روپے کردیا ہے‘ 2017 میں ہمارا گروتھ ریٹ 5.3 فیصد تھا جبکہ 2013 میں ہمارا گروتھ ریٹ 3فیصد پر جامد تھا‘ دنیا کی ابھرتی ہوئی معیشتوں میں ہمارا نمبر پانچواں ہے۔

جمعہ کو کالج فار ویمن یونیورسٹی میں بین الاقوامی صوفی کانفرنس سے خطاب کرتے ہوئے وزیر داخلہ احسن اقبال نے کہا کہ موجودہ دور تیز ترین رابطوں کا دور ہے۔ امن‘ یکجہتی اور ہم آہنگی کا فروغ وقت کی اہم ضرورت ہے۔ دنیا سمٹ رہی ہے اور فاصلے مٹ رہے ہیں۔ ہمارے خطے نے تنازعات کی جتنی قیمت ادا کی ہے اتنی کسی نے نہیں کی۔ کسی بھی ملک کے معاشی استحکام کا انحصار امن پر ہے انسان اپنے متعین مقصد پر گامزن رہے گا تو دنیا میں امن و ہم آہنگی برقرار رہے گی۔ غلامی کی زندگی سے باہر آنے کے لئے خود اعتمادی اور یقین ضروری ہے۔ انہوں نے کہا کہ حکومت نے بجلی کی قلت کا خاتمہ کیا اور دہشت گردی پر قابو پایا آج دنیا کی ابھرتی ہوئی معیشتوں میں پاکستان کا پانچواں نمبر ہے۔ آج کا دور اقتصادی مقابلے کا ہے خود کو اس کے لئے تیار کرنا ہوگا۔ ہم نے ہائر ایجوکیشن کمیشن (ایچ ای سی) کا بجٹ بڑھا کر تیرہ ارب روپے سے پنتیس ارب روپے کردیا ہے۔ امن کی وجہ سے کھیل کے اجڑے ہوئے میدان آباد ہورہے ہیں۔ وزیر داخلہ نے کہا کہ 2013 میں ہر روز دہشت گردی سے لاشیں گر رہی تھیں آج کئی کئی مہینے امن برقرار ہے۔ آج دہشت گردی کا صفایا کردیا گیا ہے ہماری معیشت تین فیصد پر جامد ہوگئی تھی جبکہ پچھلے سال ہم نے گروتھ ریٹ 5.3 فیصد تک پہنچادیا ہے موجودہ سال ہمارا ٹارگٹ 6 فیصد گروتھ ریٹ کا ہے۔ دنیا میں تیزی سے ابھرتی ہوئی معیشتوں میں پاکستان کا پانچواں نمبر ہے۔ غیر ملکی جریدے ہمیں خطرناک ترین ملک قرار دے رہے تھے جبکہ آج ہم دنیا کی ابھرتی ہوئی معیشت ہیں ہمیں ان کامیابیوں سے اعتماد حاصل کرنا ہے۔

موضوعات:



کالم



شاہ ایران کے محلات


ہم نے امام خمینی کے تین مرلے کے گھر کے بعد شاہ…

امام خمینی کے گھر میں

تہران کے مال آف ایران نے مجھے واقعی متاثر کیا…

تہران میں تین دن

تہران مشہد سے 900کلو میٹر کے فاصلے پر ہے لہٰذا…

مشہد میں دو دن (آخری حصہ)

ہم اس کے بعد حرم امام رضاؒ کی طرف نکل گئے‘ حضرت…

مشہد میں دو دن (دوم)

فردوسی کی شہرت جب محمود غزنوی تک پہنچی تو اس نے…

مشہد میں دو دن

ایران کے سفر کی اصل تحریک حسین باقری ہیں‘ یہ…

ہم کرنا ہی نہیں چاہتے

وہ وجے تنوار تھا‘ ذات کا گجر تھا‘ پیشہ پہلوانی…

ٹھیکیدار

یہ چند سال پہلے کی بات ہے اور شہر تھا وینس۔ وینس…

رضوانہ بھی ایمان بن سکتی تھی

یہ کہانی جولائی 2023 ء میں رپورٹ ہوئی تھی‘ آپ…

ہم مرنے کا انتظار کیوں کرتے ہیں؟

’’میں صحافی کیسے بن گیا؟‘‘ میں جب بھی اس سوال…

فواد چودھری کا قصور

فواد چودھری ہماری سیاست کے ایک طلسماتی کردار…