اسلام آباد (آن لائن)رواں مالی سال 2017-18 کے دوران کاروں کی فروخت میں 21 فیصد سے زائد کا اضافہ ہوا ہے۔ پاکستان آٹو موٹیو مینوفیکچررز ایسوسی ایشن (پاما) کے اعدادوشمار کے مطابق رواں مالی سال کے ابتدائی پانچ ماہ میں جولائی تا نومبر 2017 کے دوران کاروں کی فروخت کا حجم 87 ہزار 273 یونٹس تک بڑھ گیا جبکہ گذشتہ مالی سال کے اسی عرصہ کے دوران 71 ہزار 877 کاریں فروخت کی گئی تھیں۔

اس طرح گذشتہ مالی سال کے مقابلہ میں جاری مالی سال کے دوران کاروں کی فروخت میں 15 ہزار 396 یونٹس یعنی 21.41 فیصد کا نمایاں اضافہ ریکارڈ کیا گیا ہے۔ پاما کی رپورٹ کے مطابق رواں مالی سال کے دوران بسوں کی فروخت میں 69.56 فیصد کی کمی واقع ہونے سے فروخت کا حجم گذشتہ سال کی فروخت 468 یونٹس کے

مقابلہ میں 276 یونٹس تک کم ہو گئی۔ پاما کے اعدادوشمار کے مطابق رواں مالی سال مال بردار گاڑیوں (ٹرکوں) کی فروخت کے حوالے سے مثالی سال ثابت ہو رہا ہے اور رواں مالی سال کے دوران ٹرکوں کی فروخت میں 808 یونٹس یعنی 29.21 فیصد کا اضافہ ہونے سے فروخت کا حجم 3574 یونٹس تک بڑھ گیا جو گذشتہ مالی سال کے اسی عرصہ کے دوران 2766 یونٹس ریکارڈ کیا گیا تھا۔۔#/s#

موضوعات:کاریں، فروخت