لاہور ( این این آئی) پاکستان میں سالانہ 75کروڑ ڈالر مالیت کے موبائل فونز درآمد کیے گئے ۔تفصیلات کے مطابق اکستان میں موبائل فون انڈسٹری تیزی سے پھل پھول رہی ہے۔ نت نئے ڈیزائن اور خصوصیات کے باعث عوام کی بڑی تعداد جدید ترین موبائلز کی خریداری کے لئے مارکیٹوں کا رخ کرتے ہیں جو معاشی سرگرمیوں میں اضافہ کا سبب بن رہی ہے۔ یہی وجہ ہے کہ پاکستان سالانہ 75کروڑ ڈالر مالیت کے موبائل فونز درآمد کرتا ہے۔ موبائل اپلیکیشن کی بدولت سیلفی کے بخار میں

مبتلا اور ویڈیو چنٹنگ میں دلچسپی رکھنے والے یوزرز کے لئے سمارٹ فون کا استعمال مزید آسان ہو گیا ہے۔ موبائل فونز کی مانگ میں مسلسل اضافہ کے سبب نئی کمپنیاں بھی پاکستان میں اپنے موبائل برانڈز متعارف کرانے کے لئے پر تول رہی ہیں۔ ماہرین کا کہنا ہے کہ اگر حکومت موبائل فونز کی سمگلنگ کی روک تھام اور ٹیکسوں میں کمی کرے تو اس صنعت میں سرمایہ کاری مزید بڑھ سکتی ہے جبکہ مقامی سطح پر تیار ہونے سے سمارٹ فونز کی قیمتوں میں کمی واقع ہو گی

موضوعات:موبائل فون