کراچی (مانیٹرنگ ڈیسک) سندھ میں ٹائٹ گیس کے ذخائرکے حوالے سے قوم کو2017کے دوران بڑی خوشخبری ملے گی۔تفصیلات کے مطابق سندھ میں ٹائٹ گیس کی تلاش کے مثبت نتائج مل رہے ہیں اورسوئی گیس فیلڈکے مقابلے میں تین سے چارگنابڑے ٹائٹ گیس کے ذخائرآسکتے ہیں جس کے لئے پاکستان پیٹرولیم لمیٹڈدس کروڑ کی سرمایہ کاری کررہی ہے ۔

گمبٹ سائوتھ بلاک میں یومیہ 50ایم ایم ایس سی ایف گیس پروسییسنگ سہولیت (جی پی ایف ۔II)کے باقاعدہ افتتاح کے موقع پرپاکستان پیٹرولیم لیمٹیڈکے ایم ڈی اورسی ای اوسیدوامق بخاری نے خطبہ استقبالیہ میں کہاکہ پی پی ایل رواں مالی سال کے دوران اٹھائیس کنوئیں کھودے گی ۔انہوں نے کہاکہ امن وامان کی صورتحال میں بہتری کے بعد ایسے علاقوں میں بھی تیل وگیس کی تلاش کرے گی اورآئندہ سال بلوچستان میں بھی پانچ کنوئیں کھودے جائیں گے اوربعد میں ان کی تعداد بارہ تک بڑھائی جائے گی ۔سندھ میں ٹائٹ گیس کے ذخائرکے حوالے سے قوم کوآئندہ سال کے دوران بڑی خوشخبری مل سکتی ہے ۔صوبے میں ٹائٹ گیس کی تلاش کے مثبت نتائج مل رہے ہیں اورسوئی گیس فیلڈکے مقابلے میں تین سے چارگنابڑے ٹائٹ گیس کے ذخائرسامنے آسکتے ہیں جس کےلئے پی پی ایل دس کروڑروپے کی سرمایہ کاری کررہی ہے ۔سوئی گیس فیلڈمیں گیس کے 13ٹریلین کیوبک فٹ ذخائرہیں جبکہ سندھ میں ٹائٹ گیس کے 30سے 40ٹریلین کیوبک فٹ ذخائردریافت ہوسکتے ہیں ۔سید وامق بخاری نے بتایاکہ گمبٹ میں دوسراگیس پروسیسنگ پلانٹ اپنی مکمل صلاحیت پرکام کررہاہے اوریومیہ 35ایم ایم ایس سی ایف پائپ لائن کے معیارکی فروخت ہونے والی گیس ،680بیرل کنڈنسیٹ اور12ایم ٹی ڈی ایل پی جی کی پیداواردے رہاہے جوکہ سالانہ 2.3سے زائد ایم ایم بی اوای کے برابرہے جس کے نتیجے میں سالانہ 105ملین ڈالرکے زرمبادلہ کی بچت ہوگی ۔

موضوعات:خوشخبری گیس ذخائر